No menu items!
22.6 C
Friday, October 22, 2021

Two Zamfara lawmakers get hand for Speaker papa kidnap

Must read

Two lawmakers for Zamfara state, allegedly get hand for di kidnap of their Speaker papa.

Dem also get hand for the murder of anoda of dem colleague.

Na Punch dey yan us dis tori.

Di two lawmakers na Yusuf Muhammad Anka representing Anka constituency; and Ibrahim T. Tukur Bakura representing Bakura constituency.

Di lawmakers dey three months suspension as we dey yan so. Dem also dey under investigation.

Speaker, Hon Nasiru Mu’azu Magarya, on Monday for house plenary tok on top di mata.

Meanwhile na Hon Yusuf Alhassan Kanoma representing Maru North constituency, point hand on top him colleagues say na dem do dis nyama-nyama thing.

Hon Kanoma follow yan say di lawmakers bin dey happy as their Speaker papa loss.

Him follow yan di house say dem no go fit to fold hand for dis kind mata.

Speaker Magarya, gree with anoda house member Hon Nura Dahiru, say anybody wey dey cause kata-kata for di state go face police palava.

Di Speaker don direct chairman house committee on ethics and privileges, Hon Kabiru Hashimu Dansadau, to investigate di members and report to di plenary in three months.

More articles


Please enter your comment!
Please enter your name here

- Advertisement -

Latest sabi contents