Twitter on Friday don send warning to Nigerians wey dey use blood-stained Nigerian flag for their profiles.
Twitter don add dis rule to dia long list of rules and regulations.
HOW DI FLAG TAKE COME
Di flag movement been start last year during di #EndSARS protest when Nigerian soldiers been use live bullets take kpai innocent citizens.
Dis mata happen for lekki toll gate, suburb for Lagos state.
Kontiri people use dis bloody flag as symbol for dis painfull event for we kontiri.
Presido been ban dis social media platform for sake of say dem delete him tweet wey no make sense.
Presido tweet at dat time dey make people rememba di civil war wey happen for Naija in 1967 to 1970.
However, Twitter dey try meet di conditions of the federal govament to take remove di ban and dis na one of dem.
Nigerians no happy say Twitter carry dis kain action. Dem dey react negatively to dis new development.