Train wey de motion on Sundays crush Dangote cement truck and commercial tricycle wey we konitri people sabi as ‘Keke Napep’ for Kano State.
Di incident occur for Obasanjo road, inside Kano metropolis around 11:30 for morning.
Eyewitness wey be trader beside di rail track, yan punch news say him observe di truck dey advance reach rail line, as di train been de motion.
Eye witness dem try flag down di trailer make e slow down but e no been dey successful.
”As di driver of di trailer cross di rail line, di train hit di vehicle and di tricycles at di same time.” one eyewitness yan.
Anoda eyewitness yan say di passengers for di tricycle dey unconscious wen dem rush dem go hospital.
Good Samaritans come later help make dem remove bags of cement for di truck as security operatives storm di area make dem no let any person thief anytin.