Following di shock defeat wey Super Eagles sufa for Central Africa Republic hand for Lagos on Thursday, our national team done revenge with 2-0 defeat.
Dem play second leg with CAR for Doula, Cameroon.
Defender Leon Balogun score first goal for 29th minute.
Him take dis one cover him defensive error wey cause goal for Lagos defeat.
Napoli star striker Victor Osimhen, nack di second goal for di 46th minute.
Nigerians body don sweet dem as Super Eagles don give beta response to dem defeat.
As e be now, Niaja dey top for table with nine points. Cape Verde follow for second with four points.
C.A.R also get four points, dem dey third for table.
Liberia na last with three points.