Legendary tennis icon and American states tennis champion, Serena Williams don announce her ritirement from her beloved sport.
Di 40 year old grand slam champion and title holder announce dis one on Tuesday, say her countdown to ritirement don start.
Di 23 times grand slam champion tok say dis one no mean say she go just dey house afta she retire from di sport.
E mean say she go enta into oda things to grow her self as mother and family woman.
For tori wey she post for her instagram page, she tok say:
“Time dey for person life wen you must to move go anoda direction, and dat time dey hard wen you dey move from something wey you love”.
“Now i go focus on my children and my family, discover myself spiritually and take on exciting projects”. Serena add.
For interview wey she do wit Vogue magazine, di tennis star tok say she no really like di word retirement.
“Di word be like say you wan just stop movement, make person become dormant” she tok.
“But no be wetin wan do be dat, I go start different things and also try enjoy myself”. Serena yan.
Serena Williams na sister to star tennis player and former no 1 champion for di world, Venus Williams.
Di sisters togeda don dominate di lawn tennis world for long time and dem don shine individually.
Serena Jameka Williams na American professional tennis player. She dey ranked singles world No. 1 by di Women’s Tennis Association.