See how soldiers harass Nollywood actor Chiwetalu Agu on top Biafra mata


Video wey dey trend all ova social media dey show soldiers wey assault Nollywood actor Chiwetalu Agu, for Onitsha, Anambra State.

Dis tin happen on Thursday around Relief Market, opposite Lagos park (Chisco park) for Onitsha.

Di soldiers arrest di Veteran actor because of di attire wey him wear.

For di video you go observe say Di officers fire some shots to disperse people wey come to watch.


Meanwhile, Naija Army don tok say, true-true, dem don arrest one Chiwetalu Agu but dem no harass am as people dey talk.

Dem tok say dem arrest am for sake of di clothe wey him wear for bodi.

Di clothe na dat of di proscribed Indigenous people of Biafra, IPOB.

Make una see dem statement for down.


No be today federal govament and Biafra people dey clash.

As we dey follow you yan so, dem oga Nnamdi Kanu, dey FG custody as dem arrest am from one African country, bring am come back house.

Di Biafra people dey tok say make govament allow dem to get dem own country.

Dis na one fight wey Chukwuemeka “Emeka” Odumegwu-Ojukwum military officer and politician fight from 1967 to 1970.

Chiwetalu Agu don regain freedom

Military men been stop di popular Nollywood actor on Thursday for Onitsha, Anambra state, come carry am go dem base.

Afta dem arrest am, carry am waka, Chiwetalu explain say di clothe wey him wear na just “sun wey dey rise”.

Him tok say na bread worth ten thousand Naira, him bin dey dash people when dem come arrest am.

Although no official statement from di Nigerian Army, actress Chizzy Alichi, use Instagram take confam di release of Chiwetalu Agu.

She follow add say make all of us try dey alright as we no dey safe for dis country.

EDITORS NOTE: We don update dis story to show say Chiwetalu Agu bin dey “dash” and not “sell” bread.

Please rate this

Eye Wey Sabi
Live your happiest life. Pray to God and be kind to others. Hit me up on Twitter @GarnishMaster.


Please enter your comment!
Please enter your name here

Share post:




More like this

Photos of eight cities wey UK just create

Photos of eight cities wey UK just create

Young Naija Man narrate how him escape from kidnappers den

Young Naija Man narrate how him escape from kidnappers den

I no dey desperate to be Presido of Naija – Peter Obi

Mr Obi na former two term govanor of Anambra state for South-eastern Naija and him tok say him get wetin e take to lead di kontiri.

Nnamdi Kanu: Court deny Nnamdi Kanu bail

Mike Ozekhome, wey be Kanu lead counsel move one application wey ask make di court grant Kanu bail.
%d bloggers like this: