26-years old Ameer Sarkee don comot show interest to run for women leader for ruling party, APC.
Di Kano state polytechnic graduate follow yan say since when him be small pikin, to help women dey sweet am.
Him believe say na man suppose to take care of Women affairs.
“Since when I be small pikin to help women no dey hard me even to help dem fetch water and to carry load.”
“God destine man to guide di affairs of women so no be bad tin for for me to lead women.”
“Some dey jealous me and others think say I wan seize dia opportunity but no be so.”
According to am, him say na di love wey him get for women dey guide am and him biggest challenge na to win dia acceptance.