No menu items!
20.6 C
Friday, September 24, 2021

Rivers state PDP don suspend Uche Secondus

Must read

Kasala don double for Uche Secondus, di PDP national chairman.

Tori wey dey reach us be say, him own ward, Ward 5 of Andoni LGA, don put am for suspension.

Ward chairman George Christopher, no give reason why dem suspend Oga Secondus but him yarn say na becos of the kata-kata wey dey di party.

Di party executive siddon on top the mata on 31st of August, 2021.

Dem yarn say na for ward level dem suspend Oga Secondus afta dem hold the meeting.

Dem say out of 17 members, na 11 gree say make dem suspend Oga Secondus.

But as di mata dey hot, Secondus don put mouth say na only di National Executive Committee (NEC) get power to suspend am.

The kata-kata for PDP don dey too many.

E reach where di youths of di party comot talk say na APC dem dey sponsor the kata-kata for di party.

Dem yarn say make the party eldas settle dem beef fast before 2023 general election or else, dem go chuk mouth.

More articles


Please enter your comment!
Please enter your name here

- Advertisement -

Latest sabi contents