Police for Lagos tok say dem don arrest di two escorts wey dey attached to Naija super star Odogwu Burna Boy.
Tori comot on Saturday say some officers wey dey attached to Burna Boy shoot some people for club inside Lagos.
@Theflowolf tok na him enta twitter yan dis mata.
He tok say di wahala start afta him friends and “Burna Boy people” get clash for di club.
@Theflowolf yan say dis one happun say of woman.
E tok say one of him friends collect bullet for leg and di oda one for him head.
For Twitter post, police spokesperson for Lagos Prince Olumuyiwa Adejobi tok say dem don begin investigate di mata.
Adejobi tok say dem don arrest di policemen immediately afta di mata happun.
He yan say “Di IGP order di CP of Lagos, CP Abiodun Alabi to conclude investigation and to report for necessary action”.
Adejobi also yan say dem neva see “di artist” (Burna Boy), but dem go question am wen dem get am.
He assure di public say Justice go dey serve for di mata.
So far Odogwu neva tok anything for di mata.