A few days back, former govanor of Anambra state Peter Obi, been announce him exit from di Peoples Democratic Party, PDP.
According to Peoples Gazette, di former govanor uncover say PDP wan embarass am for di party primaries.
Mr Obi write official letter to party chairman, Iyorchia Ayu, notify am of him resignation.
“I have resigned my membership in the Peoples Democratic Party. – PO.,” him write for Twitter.
Since him exit, Naija youths don enter streets to protest against PDP.
For some states, especially Abuja, FCT, dem choke PDP secretariat, Wadata House, to protest.
WHERE MR OBI GO ENTA NOW?
Although hint dey say Mr Obi go join Rabiu Kwankwaso for di New Nigeria Peoples Party, NNPP, him neva publicly disclose am.
However, di palava be say, NNPP go give Peter Obi chance to run as presido?
As former govanor and senator of Kano state, Rabiu Kwankwaso wan run for presido himself, wetin go be Mr Obi fate? Vice Presido?
As e be, space no go dey for Mr Obi for APC. Di APC already get full plate of aspirants wey dey run for office too.
APC chieftan Ahmed Bola Tinubu, Vice presido Osinbajo, Senate presido Ahmed Lawan, former transpirt minsta Rotimi Amaechi, govanor of Ekiti state Kayode Fayemi and a few others, dey find di presido seat.
Di Independent National Electoral Commission, INEC, don give all political parties deadline to submit dia candidates for di various positions.
Di primaries don start with PDP presenting most of dia aspirants for state level as well as APC.
If Peter Obi fail to pick a side, wetin do happen to him ambition?
Him go give up? abi him go wait till di next four years?
We go dey fold our hands dey watch as di mata go play out.