Police don nab one Naija man with heroine wey reach 513 grams.
Tori wey dey reach us be say, di drug worth ova N276m.
Dem catch dis man for him house for Mohan Garden area in Dwarka, Delhi.
Olokpa (police) on Thursday, November 18, receive beta informate say him carry illegal drugs come di area.
Na him Olopka form team to go nab am for house.
The man name na Nnamdi Illias Akabueze.
DCP Chaudhary tok say di Naija man enta India illegally from Bangladesh in 2019 and since then him don dey spoil di area wit drugs.
As the mata dey hot, police tok say no be only am dem they track. Oda people dey involved and dem go track dem down too.