Di management of Obafemi Awolowo University (OAU) for Osun State, Nigeria don shut down di school till further notice.
Students carry protest enter streets sake of dia fellow student wey die.
Tori be say school clinic no handle di health mata of 24-years-old, Adesina Aishat, wey come later pass on Thursday 30th September.
OAU for dia press release say dem no happy with di way di students carry handle dis mata as e fit “endanger di safety and generality of people.”
Di school yarn dia students to “vacate dia halls of residence and campus latest by 12:00 noon on Saturday, 2nd October, 2021.”