Manchester United manager Erik Ten Hag don tok say striker Ronaldo attitude no dey acceptable and him no dey okay wit di player.
Dis one dey come afta Ronaldo and some of him team mates comot di old trafford stadium bifor dia friendlies wit Rayo Vallecano end.
During di course of di game, Manager Ten Hag substiture Ronaldo for Ahmad Diallo afta di first 45 minutes.
Diallo na him later score Manchester UNited goal wey later see dem draw di match.
Ten Hag yan wit sports news people say he no go accept dat attitude from di striker.
He tok say na team dem be and so far di whole team dey field, everybody must dey present till dem finish match.
Manchester United management don also comot tok say dem no get problem wit di striker.
Ronaldo don insist say he wan comot from Manchester United and he wan go beta club go play.
Di Portugese forward and United striker tok say he wan comot Man United as dem no dey any big league.
Ronaldo tok say him wan leave di club and make di club allow am go oda clubs.
So far no club don submit bid for di striker yet, but fans don tok say he don dey misbehave.
Fans accuse di striker of selfish interest and he no ready to stay help build di team.
Manchester United board don also make am clear say dem no ready to sell di striker to any club even as no club don bid.
Di friendlies wit Rayo Vallecano na di first match wey ronaldo go play since di pre season friendlies begin.
United neva tok if dem go terminate di player contract yet.