No menu items!
20.5 C
Friday, October 22, 2021

Senate confam EFCC board nominee wey start school before dem born am

Must read

Naija senate on Tuesday, confam Yahaya Muhammad (Yobe state) and four other nominees as board members and Secretary of di Economic and Financial Crimes Commission (EFCC).

Senator Hassan Hadejia (Jigawa North-East), bin get one or two observations on to Yahaya Muhammad report.

Senator Hassan Hadejia

Him bring to di chamber notice say, for page 8 of Alhaji Yahaya Muhammad report been no dey make sense.

For di report e show say dem born Alhaji Yahaya on 29th September, 1969, and him start primary school for 1968.

Di senator follow observe say Alhaji Yahaya been dey Borno Teachers College from 1975 to 1988 and him still dey College of Administration Studies from 1980 to 1981.

“If na typing error be dis dem suppose correct am for record purposes,” Senator Hassan Hadejia tok.

Deputy Senate President, Senator Ovie Omo-Agege, wey been dey preside on top dis mata ignore di observations.

Others wey di Red Chamber confirm na George Abang Ekungu (Cross River) as Secretary of di EFCC, while Luqman Muhammed (Edo), Anumba Adaeze (Enugu), Alhaji Kola Raheem Adesina (Kwara) and, Alhaji Yahaya Muhammad (Yobe) as board members for EFCC.

More articles


Please enter your comment!
Please enter your name here

- Advertisement -

Latest sabi contents