No menu items!
19.4 C
Thursday, September 16, 2021

NFF and MTN don shake hand ontop multi-million Naira deal

Must read

Di Nigeria Football Federation (NFF), on Thursday sign heavy deal with MTN for Lagos.

The tori be say the deal go reach N500 million.

Dis ogbonge deal don make MTN di official communication partner of NFF for Naija.

NFF President Amaju Pinnick, tok say for him tenure di NFF go get 100 per cent self-sufficiency funding model.

“We believe say to develop our football culture, we need brand wey don stand well, we need brand wey don sabi di Naija way and di brand na MTN.

“We reason sey dis deal na beta privilege because MTN na beta brand,” naso Oga Pinnick yarn.

Oga Pinnick follow thank Baba Buhari for di way him dey support Naija football.

Minister of Sports and Youth Development, Sunday Dare, follow put mouth for di mata.

Him tok say “Di number one tin about di partnership be say na beta pass we dem set for Naija sports.

Di Minista for Youth and Sports, Sunny Dare

“For 18 months now we done dey work to put this business model for Naija sports.

Naija dey 15 to 20 years back for dis kind mata because we dey reason sports as play-play. We nor dey see say money dey inside di mata.

“We dey di last stage for Attorney General and Minister of Justice office as soon as we finish we go get di policy.

“Dis MTN and NFF handshake don already dey reason di policy because na wetin we wan see.

“We want make our sport federations dey self-funding and this na di sermon wey I don dey preach,” di minister tok.

MTN Chief Executive Officer, Karl Toriola, tok sey di telco giant been don dey support Naija football tey-tey.

“Since 2001 wey we start for Naija, na only good good tins dem use sabi us and our investments, and nothing beta pass football.

“Our popular yarn na sey “Nigeria, where football lives” and we dey show am wit dis support.

“We get passion for football and we dey take am serious as millions of Naija pipu dem get di same passion,” na so him tok.

More articles


Please enter your comment!
Please enter your name here

- Advertisement -

Latest sabi contents