No menu items!
19.4 C
Nigeria
Thursday, September 16, 2021

NDA Attack: More kata-kata dey come – Rev. Father Mbaka

Must read

Rev. Father Ejike Mbaka, Di Spiritual Director of Adoration Ministry Enugu Nigeria (AMEN), don tok say di attack wey happen for Nigerian Defence Academy (NDA) na just small tin.

Him yarn say ‘very heavy kata-kata’ dey come for Naija if President Buhari govament no gree change and God no help us.

Rev. Mbaka tell the FG to release Mazi Nnamdi Kanu, di leader of di Indigenous People of Biafra (IPOB).

Father Mbaka tok di one for Sunday mass.

“Una hear say for Saturday, bad people enta di most safe place for dis kontiri, Di Nigerian Defence Academy, kill some people?

“Dis kata-kata dey happen and some people problem na Father Mbaka and Adoration.

“Some Catholics still dey attack di worship of Blessed Sacrament tru Adoration, wetin dem dey find for dere?

“Di kontiri dey scatter as I tok am last time.

“Wetin arresting Nnamdi Kanu go solve? En go stop all di kata-kata?

“Now wey dem don attack NDA, na Nnamdi Kanu cause am?

“E no better make dem release am as dem dey with am and people fit still attack NDA?

“Wetin be di hope of dis kontiri if e fit happen for di Nigeria Defence Academy?

“Which place dey safe?

“As I tell una last two months, wetin una dey see na just di beginning of di wahala and di main wahala dey come.

“Dis one dem do na just small tin, big one dey come.

“I just dey beg make God help us because wetin dey happen for Afghanistan now, If God no help us, Naija case go dey worse for future.

“Una fit attack me, dat one concern you” na wetin Father Mbaka tok.

Na di same tori, Fani-Kayode yarn.

Him tok say na people wey don collect Afghanistan, enta NDA.

More articles

LEAVE A REPLY

Please enter your comment!
Please enter your name here

- Advertisement -

Latest sabi contents