Naija Tobi Amusan set anoda world record for 2022 commonwealth games


Double celebration for Naija athlete Tobi Amusan as she set anoda world record for di 2022 commonwealth games for Birmingham, UK.

Di world champion successfully defend her title for di Alexander stadium on Sunday for di womens 100m race.

Amusan set new games record of 12.30s, wit oda records to.

She don become di first world champion to win gold and also di first Naija athlete to win gold.

Fans and spectators for di 2022 commonwealth games bin dey expect nothing less from di athlete.

Amusan don first set world record for di World Athletics Championships, Oregon, wey happen for di United States.

Dis na wia she break multiple records to win her first world gold medal and Naija first gold medal ever.

Afta dis display for di US, Amusan make sure say she prove to di world say she deserve dis position as she break anoda record for UK.

Di star athlete enta di commonwealth games to set anoda daring record for di 2022 games.

Di 25 year old drop record of 12.30secs to carry anoda gold medal.

For tori wey shr yan afta di race, Amusan tok say:

“Honestly, I believe in my abilities but I no expect world record for dis championships”.

My goal na just to enta dis race, give am my best and make sure say I try to reach di finish line, Amusan Tok.

For her back na Bahamas’s Devynne Charlton wit (12.58secs) and di silver medal and England’s Cindy Sember (12.59secs) wit bronze.

With this result, Naija don get 10 gold medals and 31 medals in total.

Team Naija dey one gold medal away to beat di record of di 1994 team (11 gold medals) for di 1994 Commonwealth Games.


Please enter your comment!
Please enter your name here

Share post:



More like this

Independence day: See Presido Muhammadu Buhari full tok

"Na honour say my story dey enta record of dis kontiri, my success and failure bifor i become presido for 2015".

Kontiri pipo celebrate Naija @ 62

Niaja pipo don wake today (1st October 2022), to...

Govanors reject FG plan to privatize power plant

Federal govament drop proposal say make dem privatize di following power plants; Benin Generation Company Ltd, Calabar Generation Company Ltd.

NECO fail to release Niger state result as state govament ‘Gbese’ plenty

Di exam body tok say di state Govament dey owe Gbese' of about N500m from unpaid examination fees of students.
%d bloggers like this: