Dis women for dia respective fields and career paths don show say Naija people get wetin dem need to progress.
Di women don prove to di world say nothing dey to big to achieve so far say you set your mind on am.
Asisat Oshoala na Naija footballer wey dey play for di kontiri national team, di Naija Super Falcons.
She also dey play for spanish giants and La Liga club Barcelona female team.
Few days ago she break record as she win di CAF womens player of di year award for di fifth time.
Temilade Opeyemi wey her fans sabi as Tems, also break record few weeks ago as she become first Naija woman to win BET awards.
Di Naija born musician also feature for Marvel Black Panther 2 soundtrack, wia she use her amazing voice to kill di soundtrack.
Tems na one of successful Naija artiste of dis generation and she don feature for songs within Nija and globally.
Naija athlete Tobi Amusan also set world record yesterday for track and field as she carry gold medal for di world competition.
Amusan na di first Naija sprinter to win gold medal for any occasion.
Di athlete also set new world record time during her yesterday race.
Naija presido Muhammadu Buhari and oda big names don congratulate dis women for dia big wins.
Di big names for di kontiri don also advice ladies and men to emulate and learn from dis women.
Dem also use dis ground to tell Naija youths say make dem no write di kontiri off, as better things still dey di kontiri.