Drama happun for Port-harcourt police station inside Rivers state after one teenage girl wey accuse her papa of rape come change mouth say na lie.
According to tori from human rights group, Center for Basic Rights Protection and Accountability Campaign chief security officer, Mile 3, Nkpolo Oroworukwo, di teenage girl report the case on 22nd November, 2021.
Di teenage girl come to talk say her papa rape her and di commission been arrest di papa for investigation on the mata.
After some days, she come back to the human right desk to tok say na evil spirit enter her wey make her accuse her papa.
As di mata come dey hot for station, she tell Police Public Relations Officer(PPRO) say she no understand wetin enter her wey make her accuse her papa.
She come apologize, say make dem try understand say na evil spirit enter her to yan dat kind thing.
After dem conclude investigation, dem grant her papa bail becos her mouth don change for the mata.