Na APC dey sponsor di kata-kata wey dey happen for PDP – Party youths

Date:

People’s Democratic Party (PDP), Youth Wing, don call di ogas for di party make dem find way to settle di kata-kata wey dey happen for inside di party before di 2023 general elections.

Di PDP National Youth Movement talk say dem no go forgive PDP if dem allow APC win di 2023 general election because of di wahala wey dem get now, even afta all di shege wey APC don use Naija people eye see.

“Kontiri people no go forgive PDP if by any chance, dem allow bad govament as Nigeria don already dey suffer poverty, bad economy and insecurities for APC regime”.

Salaudeen Lukman, di President of di PDP Youths Movement, drop dis statement.

Him kuku talk say na outside people, especially di ruling party, APC, dey cause di kata-kata wey dey happen for PDP so dat PDP no go dey organized for di 2023 general elections.

“Dis kind thing don happen before, during di 2015 general elections wen Bamanga Tukur be National Chairman of PDP.

“Outsiders come from nowhere com cause kata-kata for PDP wey make APC win di 2015 general elections” na wetin Lukman talk.

Di PDP youths talk say dem no dey happy with di news about di court order wey PDP members from Rivers State bin support wen e be say dem dey APC side.

Di youths yarn say make di PDP ogas do wetin dem suppose do to settle all di matter wey dey ground before 2023 election go reach.

Di statement talk say di PDP national youth movement go use dia hand enta di mata if dem see say di ogas no fit settle.

Eye Wey Sabi
Live your happiest life. Pray to God and be kind to others. Hit me up on Twitter @GarnishMaster.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ASUU strike: Make parents join govament beg di union – Garba Shehu

ASUU strike: Make parents join govament to beg di union - Garba Shehu

Insecurity: Na only heaven get peace of mind – Festus Keyamo

Insecurity: Na only heaven get peace of mind - Festus Keyamo

Naija Tobi Amusan set anoda world record for 2022 commonwealth games

Naija Tobi Amusan set anoda world record for 2022 commonwealth games

VIDEO: Mr Eazi – Personal Baby

VIDEO: Mr Eazi – Personal Baby
%d bloggers like this: