Military don detain Burkina Faso Presido Roch Kabore

Hot tori be say, military people don detain Burkina Faso presido, Roch Kabore.

Troops for di West African nation dey demand di sacking of military chiefs and more resources to fight Islamist militants.

People bin hear gunfire overnight near di presidential palace and for barracks for di kontiri capital, Oaugadougou.

Govament, however, bin deny suggestions of military coup or say di presido dey unda arrest.

Foreign media dey report say Presido Kabore dey detained for one military camp wia sojas dey revolt.

Sojas also surround di state television headquarters.

Hundreds of people bin come out in support of di troops.

Dis don force di authorities to introduce night time curfew.

Govament bin say dem don contain di crisis.

Ova a week back, di govament bin detain 11 sojas for allegedly planning coup.

Burkina Faso people no happy say dem Presido Kabore, no fit stop the insecurity issues for di kontiri.