No menu items!
22.9 C
Tuesday, January 25, 2022

Man Utd vs Arsenal: The old school beef

Must read

Manchester United and Arsenal football clubs don dey English Premier League since 1919.

Di clash and rivalry of dis titans been start late 1990s and early 2000s.

Club captains Patrick Vieira and Roy Keane really fuel di rivalry with di enmity wey dem been dey show for pitch.

Dis rivalry been see both giants go head-to-head for Premier League and FA Cup titles.

Di clash witness seven red cards from February 1997 to February 2005.

Both clubs been get bright and genius coaches for dis period.

This clash go on to be one of di biggest images for world football.

Arsenal’s Arsène Wenger (1996–2018) and Man Utd’s Sir Alex Ferguson (1986–2013).

Battle of di Buffet

Arsenal been win di 2003–2004 league title unbeaten with 26 wins, 12 draws and 0 losses.

Battle of di Buffet na di match wey United end di gunners unbeaten run for 49 games.

Di controversy around dis win increase di enmity between di clubs.

Dis loss no go down well with di Gunners as dia coach Arsène Wenger been dey vex for post-match briefing.

Him criticize di referee Mike Riley, for him officiating and him call United Ruud van Nistelrooy ‘cheat’.

After investigation English FA fine am £15,000 for him comments.

Van Nistelrooy for di oda hand been receive three batch ban for him tackle on top Ashley Cole.

Today match Man Utd vs Arsenal

Both clubs go face off again today for United house Old Trafford at 9:15pm.

Ralf Rangnick, United newly appointed manager, go watch today match from stands.

Finally, di United man don secure him work permit and visa.

Gunners manager Mikel Arteta and United caretaker manger Michael Carrick, go dey in charge for di game.

Di Red Devils dey enta dis battle with everything to play for as dem risk falling 8 points behind Arsenal.

Dem dey seat 10th for table and loss today go carry dem further down di table.

Gunners on di oda hand dey seat 5th for table and win today go carry dem enta top 4.

Meanwhile di last time Red Devils defeat di gunners na dia 2:1 win 2018 for Old Trafford.

More articles


Please enter your comment!
Please enter your name here

- Advertisement -

Latest sabi contents

%d bloggers like this: