No menu items!
33.4 C
Saturday, December 4, 2021

Lekki Massacre: Buhari, Sanwo-Olu must to resign – RAMINBA

Must read

Group of lawyers comot yan say Presido Muhammadu Buhari and Governor Babajide Sanwo-Olu, must to resign.

Di lawyers dey unda di New Nigeria Network and di Radical Agenda Movement in di Nigerian Bar Association (RAMINBA).

For press conference on Monday di group Chairman Adesina Ogunlana, yan say Buhari and Sanwo-Olu dey responsible for di massacre of peaceful and unarmed protesters for Lekki tollgate October 20, 2021.

“Without any doubt we sure say di military personnel wey carry out dis massacre no do am without proper clearance from di commander in chief of di armed forces, Presido Buhari.

“So we dey place di blame of dis massacre for him head and we dey demand him resignation,” Mr Ogunlana yan.

Tori from Peoples Gazette, dem no go fit to comot Mr Sanwo-Olu from di massacre wey happen.

“We sabi say as governor, Mr Sanwo-Olu no get full authority control ova military.

“But overwhelming evidence wey di panel present show say chairman of di Lagos state security council influence dey.

“Him influence, dispatch soldiers go Lekki Tollgate to fire unarmed protesters live bullets.

“Him suppose face indictment and him suppose to resign immediately,” di Lawyers add.

More articles


Please enter your comment!
Please enter your name here

- Advertisement -

Latest sabi contents

%d bloggers like this: