Massimiliano Allegri, Juventus coach, don tok say Juventus players suppose kontinu with dem life afta Empoli win dem on Saturday.
Last week, Cristiano Ronaldo port go Manchester United afta three years for Juventus.
Since den, hin fellow players and fans for Juve dey mourn am.
Di manager tok say dis fit be di reason why dem lose to Empoli.
Coach Allegri tok say true true, him gree say di players go miss Ronaldo, but him dey sure say dem go do better dis season.
“Cristiano dey with Juventus for three years, hin score goals, hin be very good player but we no suppose dey think about Ronaldo for now.
“I get good players but we suppose know say we no fit win evribodi.
“We suppose dey togeda. Dis go help us for future, I dey sure, always” na part of wetin Allegri tok so.