Jos Kata-Kata: Plans to comot Gov. Lalong no go work – Group

Date:

One group for Plateau state, Coalition of Plateau Ethnic Youth, don yarn say any plan to comot Govanor Simon Lalong, no go work.

Na so News Agency for Naija, NAN, yarn,

Kontiri people for Jos de vex sake of say Gov. Lalong no de handle di mata of security di way wey e suppose be.

Rememba say the state house of assembly don give the govanor time to take stop the kata-kata or e go red for am.

Di tok to comot Govanor Lalong de come after many-many kata-kata wey di state don carry eye see for the past few weeks.

Plenti people done die trowey ontop the matta.

According to di group, some wuru wuru politicians don de use di opportunity to exploit di situation for dia selfish gains.

Di Chairman of di group, Samson Lohnan, tok say dem no go gree for di matter of impeachment and anybody wey get am for mind just de try cause more confusion for di state.

“Di people wey dey call for impeachment of di governor or imposition of state of emergency for di state must comot mind from di matter henceforth because we gas to resist any plan to carry confusion enter di state,” Mr. Lohnan carry mouth tok.

De matter no end for there. Mr. Lohnan tok say instead make people de find how to settle di matter, some people don find how to cause more kata kata for di state.

All the kata kata for di state push di Plateau State House of Assembly to give di Governor two weeks ultimate to find lasting solution to di fight fight wey di state don carry eye see.

While di government don try carry security gum body for di state, Mr. Lohnan don advice people, especially youths make dem embrace peace.

Di kata kata for Jos don kill plenty people for di state in recent times and as di matter tire everybody, govament come impose curfew make di matter no spoil pass as e don already be.

Eye Wey Sabi
Live your happiest life. Pray to God and be kind to others. Hit me up on Twitter @GarnishMaster.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ASUU strike: Make parents join govament beg di union – Garba Shehu

ASUU strike: Make parents join govament to beg di union - Garba Shehu

Insecurity: Na only heaven get peace of mind – Festus Keyamo

Insecurity: Na only heaven get peace of mind - Festus Keyamo

Naija Tobi Amusan set anoda world record for 2022 commonwealth games

Naija Tobi Amusan set anoda world record for 2022 commonwealth games

VIDEO: Mr Eazi – Personal Baby

VIDEO: Mr Eazi – Personal Baby
%d bloggers like this: