No menu items!
20.6 C
Nigeria
Friday, September 24, 2021

Jos Kata-kata: Kaduna, Delta govament don comot their students for UniJos

Must read

As bad-bad tins dey happen for Plateau state, Kaduna and Delta state govaments don commot their students wey dey read book for University of Jos and oda skools.

Rilwan Hassan, di executive secretary of Kaduna state scholarship and loans, yarn dis one for statement on Thursday.

Him tok say dem don comot dem students finish last weekend.

Oga Rilwan tok say na 87 students dem comot on Friday last week, make kata-kata no catch dem.

Govonor Ifeanyi Okowa of Delta state, don follow give command say make dem kuku comot dem students from Jos.

Jerry Ehiwario wey be senior special assistant to Govonor Okowa, on Student Affairs, tok say dem start to comot dem people today, wey bi Thursday 26th August, 2021.

“Wen I bin hear di wahala wey dey happen for Jos, I write letter give di govonor, yarn am say make him comot di students from Delta and him gree,” na so Oga Ehiwario yarn.

Kata-kata bin happen for Plateau state wey plenti people done loose dem life.

The indigenes bin vex, carry dead bodi’s dem, go drop for front of govament house.

Dem talk say make di govornor, Simon Lalong, take him eyes see as the matta be.

More articles

LEAVE A REPLY

Please enter your comment!
Please enter your name here

- Advertisement -

Latest sabi contents