Marvin Record singer, Johnny Drille, don dey ready to comot hin new album “Before We Fall Asleep”.
Hin go meet him padi wey be ogbonge musician Jon Bellion, make him check weda the album make sense.
Johnny Drille post d video for hin Instagram page on 21st August 2021, come dey play di music for Mr Bellion who bin dey enjoy the music.
Johnny clear him people dem say Oga Bellion na hin oga kpata kpata wey hin dey look up to for di industry.
Hin say di day wey di two of dem jam each oda, na dat day dem turn padi.
Oga Johnny don also carry di album go meet Cobhams Asuquo and Basketmouth.
Na last month hin announce di album. Him follow share video of the album for him Instagram page.
Oga Johnny talk say the album dey totori him body.
“My Album dey comot dis September. E don tey wey I don dey wait to give una dis album and as e be now I don ready to drop am.
“One side for my body dey hope say una dey ready while di oda part say una never ready for wetin dey come una side.
“For dis Album, E go be OUR album. Na true talk I dey tell una,” Na wetin Oga Johnny talk be dat.