No menu items!
33.4 C
Nigeria
Saturday, December 4, 2021

Itunu Babalola kpai for Ivory Coast prison even afta Abike Dabiri assure her release

Must read

Itunu Babalola na Naija babe wey kpai for Cote d’Ivoire prison even afta di Chairman/CEO of NiDCOM, Abike Dabiri, promise say dem go facilitate her release.

Tori wey dey reach us be say, na infection she catch for prison wey make her kpai.

Wetin Itunu do wey land her for prison

Her wahala start 2019, when thief bugle her crib, normal level, she call Ivorian police yan dem di tori and wetin dem move from her caban.

DPO come tell her say him know di tiff but na him nephew.

To cover di mata, DPO offer her about N100k to die di mata.

Ms Itunu no gree because properties wey dem tiff from her caban pass 100k.

Based on say di tins no balance, she no gree collect di settlement.

Na so DPO send him boys to arrest Itunu.

Dem come charge her to court for human trafficking wey land her 20 years sentence.

Nigerians in Diaspora Commission (NIDCOM) mess up for di mata

Nigerian journalist David Hundeyin, been call di commission attention to dis mata for Twitter.

Di commission give di journalist hope say dem go comot Ms Itunu from prison for Ivory Coast.

Di commission drag leg sotey di mata come cast.

Ms Itunu don kpai

Sad news burst on Sunday night, as di same journalist (David Hundeyin) confam for Twitter say Itunu Babalola been catch infection for prison.

As di mata be so, Ms Itunu don kpai.

According to di journalist all di promises wey NIDCOM, Abike Dabiri, OYSG, etc. make na ‘audio promise’.

Peoples Gazette been question Abike Dabiri-Erewa about how di commision take handle di mata but no response.

More articles

LEAVE A REPLY

Please enter your comment!
Please enter your name here

- Advertisement -

Latest sabi contents

%d bloggers like this: