No menu items!
33.4 C
Nigeria
Saturday, December 4, 2021

Nnamdi Kanu release dey Buhari hand – Lawyer

Must read

Aloy Ejimakor, di special counsel for Nnamdi Kanu, yan say di release of him client no dey judiciary hand but say di mata dey for Presido Muhammadu Buhari hand.

Nnamdi Kanu na di leader of di Indigenous People of Biafra (IPOB).

Igbo leaders been gada go meet Presido to delibrate Mr Kanu release.

Di Igbo leaders join bodi with former minister of aviation for di first republic, Chief Mbazulike Amaechi.

Buhari tell dem say di mata wey dem wan make him put hand, go hard becos, for over six years since him be Presido for Naija, him neva put mouth for judiciary mata.

Presido Buhari tok say afta Mr Kanu jump bail, security operative been gats arrest am for anoda country, bring am come back.

So him don decide to leave di mata for judiciary hand make dem handle am.

Him also yan say him no wan give di international community and kontiri people bad impression.

Las las, Oga Buhari say him go see wetin him fit do about di mata.

Afta Igbo leaders comot from Aso rock, Mr. Ejimakor run enta Twitter yan say na di executive arm of govament, not di judiciary get power to comot Nnamdi Kanu from dis mata.

Him quote section 174 of di 1999 constitution of di federal republic of Naija.

Di law yan say di attorney general of di federal republic of Naija, Abubakar Malami (SAN), get power to stop any criminal proceedings wey start before den go fit agree on di judgement.

More articles

LEAVE A REPLY

Please enter your comment!
Please enter your name here

- Advertisement -

Latest sabi contents

%d bloggers like this: