Iniubong Umoren: Court sentence culprit Uduak Akpan to death

Date:

Justice Bassey Nkanang of di Akwa Ibom State High Court don sentence Uduak Akpan di killer of Ini Umoren to die by hanging.

Uduak Akpan na di culprit wey dey responsible for di of late Iniubong Umoren.

Umoren na graduate of Philosophy from di University of Uyo and she bin dey wait for NYSC posting.

Ini Umoren

Since NYSC neva release posting list, Umoren plan say she go find job pending wen NYSC go release list.

Dis job search na hin lead her reach hand of Uduak wey end up shortening her life for April 2021.

Uduak-Abasi Akpan wey invite her for a job interview stand trial on two count charge of rape and murder.

Series of investigation na him lead to arrest of Uduak Akpan parent and sister.

Uduak-Abasi Akpan, Frank Akpan and Anwan-Bassey Akpan na di three people wey stand trial for di murder case.

Di high court later discharge and acquit Frank Akpan and Anwan-Bassey Akpan from di mata.

But di sitting court sentence Uduak Akpan to death for rape and and murder of Ini Umoren.

Uduak Akpan
Uduak Akpan as dem dey drag am go Black Maria afta di judgement

Frank Akpan wey be father to Uduak bin dey charged wit accessory afta he no gree tok whereabout of him pikin.

Anwan-Bassey Akpan, Uduak sister follow also dey charged wit harbouring her brother for her house for Calabar.

Ini Umoren family after di court verdict tok say dis one no fit bring her back, but at least she don get justice.

Her brother Ukeme na him yan dis one on behalf of di family, he tok say he no belive say she fit get justice.

But di Naija justice system don prove am wrong and di family dey happy wit di outcome from di case.

LEAVE A REPLY

Please enter your comment!
Please enter your name here

Share post:

Subscribe

Popular

More like this
Related

Independence day: See Presido Muhammadu Buhari full tok

"Na honour say my story dey enta record of dis kontiri, my success and failure bifor i become presido for 2015".

Kontiri pipo celebrate Naija @ 62

Niaja pipo don wake today (1st October 2022), to...

Govanors reject FG plan to privatize power plant

Federal govament drop proposal say make dem privatize di following power plants; Benin Generation Company Ltd, Calabar Generation Company Ltd.

NECO fail to release Niger state result as state govament ‘Gbese’ plenty

Di exam body tok say di state Govament dey owe Gbese' of about N500m from unpaid examination fees of students.
%d bloggers like this: