I no fit sleep since dem thief my pikin


I dey feed my pikin everi two hours, now I no know how im dey and everi day I dey cry.

Nkechi Onwudiachi na mama of one year and five months old pikin wey dem thief for Abuja.

I no fit chop, sleep or open shop since dem thief my pikin. Abeg make kontiri pipo help me find am.

Mrs Onwudiachi wey dey live for Jikwoyi area, suburb for Abuja di Naija capital, neva see her pikin for one week as at di time BBC record dis report.

Di mother of three na petty trader. Her first born na girl (nine years), second pikin na seven years old boy and di last born wey disappear.

She narrate to BBC how her pikin take disappear

“On January 13 my pikin dem come back from school around 2:00pm. Dia school dey close around 1:30pm.

Dem say dem wan go dia grandmother house and bifor dem even enta house, my small baby wey I cari for back don see dem dey happy.

Na so di pikin hold im sister (first born) leg, so I say okay make dem cari am join body.

Afta like 20minutes, I see my husband and two pikin for my shop. My husband ask wia Micheal, our last born.

I tell am say Micheal dey wit di oda children, my husband shout nooooo!!.

Him explain to me wetin happun, immediately I run go wia di incident happun and di palce no far from my shop.

From dia, I run go police station wit my oda children go report.

I drop di oda children wit my mama run go Kurudu, Mararaba bus stops. From Mararaba to Nyanya dey find my pikin up and down, I no see am.

“Na seven days now, we still dey find my pikin I no see am”. Na so the mama tok.


Husband to Mrs Nkechi Onwudiachi na civil servant and shop owner. Raymond Onwudiachi explain wit tears for eye how him pikin dem break dis difficult news to am.

Di husband tok as e happun

Di man add say di description of di pesin him daughter give dem and police, no look like pesin wey him fit sabi.

Him no get friend wey wear dreadlocks and dirty jeans.

”On dat fateful day, I no go work sake of say my motor get small problem, so I dey for one of our shop dey wait for mechanic to repair my motor.

My daughter and son run inside come meet me dey cry. I tink say pesin beat dem.

My daughter ask weda I see my friend Sam, I tell her say I no get any friend wey be sam”

My seven year old son Ebuka tell me say im tell her make she no give dia broda to di man but di sister no listen.

Dem say as dem dey go dia grandmother shop one man stop dem for road say im be my friend. Dem initially no gree but di man persuade dem say him sabi dia mama and papa.

Di man come even point our shops and e tell dem wetin we dey sell.” Onwudiachi narrate wetin im pikin yan am.

‘Di man give dem 100 Naira to buy biscuits, come collect di pikin from dia hand.

Dem say di man stand dia untill dem enta shop to buy biscuit as dem come out dem no see di man again.

Mr Raymond add say na him been dey inside confusion before him run go im wife shop to go ask her.

“I first run go my wife shop becos I believe say if na true say di pesin know us na my wife shop him go go to give her di pikin.

E surprise me say di pikin no dey my house na so I run enta road, no way. I run go police station, my wife don already reach dia.

Afta all dis wahala, still nobodi don see di pikin till now.

Please rate this

Eye Wey Sabi
Live your happiest life. Pray to God and be kind to others. Hit me up on Twitter @GarnishMaster.


Please enter your comment!
Please enter your name here

Share post:




More like this

Photos of eight cities wey UK just create

Photos of eight cities wey UK just create

Young Naija Man narrate how him escape from kidnappers den

Young Naija Man narrate how him escape from kidnappers den

I no dey desperate to be Presido of Naija – Peter Obi

Mr Obi na former two term govanor of Anambra state for South-eastern Naija and him tok say him get wetin e take to lead di kontiri.

Nnamdi Kanu: Court deny Nnamdi Kanu bail

Mike Ozekhome, wey be Kanu lead counsel move one application wey ask make di court grant Kanu bail.
%d bloggers like this: