Zamfara Govanor, Bello Matawalle, done tok say him no wan follow bandits tok again.
According to NAN, Di govanor tell hin people say make dem cool down see di new security measures wey him done put in place to pursue bandits dem.
Matawalle tok say bandits done dey run comot from di state.
Him also dey warn politicians wey dey buy okada share for people.
Say people dey sell di okada give bandits and e no make sense.
Before now, di govament dey intercept vehicles wey been dey bring food, drinks and, petroleum products wey bandits dey use.
Dem don arrest over 100 people wey violate di executive order to restore law and order for di state.
Matawalle also establish Special Taskforce to address di security challenges of mass kidnapping for ransom and tiff-tiff of cattle for di state.