Ministries, Departments and Agencies of Federal Govament go spend about N104 billion to buy generators.
Dem go also do service and buy fuel for inside di money.
All dis na inside di 2022 budget.
Dis one mean say di money wey Naija govament wan spend on top generators pass di internally generated revenue (IGR) of 24 states.
Dis tori na according to PUNCH.
Di tori be say oda ministries no tell us how much dem budget for generators.
E therefor mean say di total money fit pass as e be.
Joint Admissions and Matriculation Board, Federal Mortgage Bank of Nigeria, di Independent National Electoral Commission, National Information Technology Agency, National Pension Commission, Nigeria Customs Service, Central Bank of Nigeria, National Examination Council, Central Bank of Nigeria no put dia generator money for budget.