Former media officer for Super Eagles, Benjamin Alaiya, don kpai.
Super Eagles use dem Instagram page take announce him demise.
“We dey sad to announce di sudden passing of our former Media Officer, Mr Benjamin Alaiya. May him soul Rest In Peace and our thoughts dey with him family,” na so dem post.
Him hold Super Eagles’ media officer position from 2011 to 2015. Afta dat, him come establish him own sports newspaper, Sports Day Newspapers.
Him na former sports editor of Independent Newspapers Limited.
Mr Alaiya comot from Edo state and na graduate of di University of Lagos with postgraduate diploma for journalism.