As di EPL, La Liga, Bundesliga and oda football leagues don dey prepare to resume di 2022/23 season.
Deals don dey happun wey dey make fans anticipate di return of di leagues.
Some clubs no to enjoy di 2021/22 season wey just finish few weeks ago.
Fans dey hope to see major clubs get new players wey go make di season interesting for players and fans.
Clubs like Manchester city, Liverpool, Tottenham don already sign goal machines in preparation for di coming season.
See some deals wey don happun and some wey dey occur like dis.
Manchester City don sign Erling Haaland from Borussia Dortmond, and Kalvin Phillips from Leeds United.
Liverpool star player Sadio Mane comot di club to join German giants Bayern Munich, and di club sign Darwin Nunez from Benfica.
Fans still dey expect Manchester United make dem sign players as Pogba don comot di club.
So far di club still dey pursue Barcelona player Frankie De Jong but green light neva dey.
Arsenal don sign Manchester City Gabriel Jesus till 2027.
Former Tottenham and Real Madrid player Gareth Bale don sign for Los Angeles FC on free transfer.
Manchester United mid-fielder Paul Pogba don return Juventus on free transfer afta six years with di club.
Manchester United backup goal keeper Dean Henderson don sign wit Nottingham Forest.
Chelsea don submit new bid for Manchester City striker, Raheem Sterling. Di blues get faith tosign di striker.
Juventus dey pursue Argentina winger Angel Di Maria.
As di season dey near, more deals still dey happun wey dey make Fans wait di start of di new season.