Ese Brume: Young women go see Birmingham outing as inspiration


Naija professional long jumper Ese Brume, don send message to young women and girls for di kontiri and world at large.

Brume win gold for di just concluded 2022 Commonwealth games for Birmingham, United Kingdom (UK).

Di professional long jumper athlete don tok say many young girls for di world go like emulate wetin dey see for dis year event.

Brume tok say for di commonwealth games, women dominate and dem gada win gold for dia kontiris.

Dis alone dey enough to ginger di young girls wey wan enta sports and dos wey dey inside.

“To win gold no be one day job”. Brume tok. But person must sacrifice.

Di athlete also add say no short cut to achieving dis dreams as athletes must to work.

You go rely on your instincts and also push your sef go front to reach and pass dat draem wey you set for yourself.

Ese Brume na record holder among team Naija representatives for di just concluded games.

She set new record for her long jump stats and also carry di gold for dia category.

Ese Brume na one of di Naija women wey don make di women for sports and di world at large proud.

She don win gold and silver for different sports and also cash prizes in her name.

Naija sports women don also show say n be only di male team members get something to prove as dem self get records and name to make.

Dis past few months Naija women for dia sports field don break records, win prizes and gold and also stamp dia name for records.

Likes of Tobi Amusan, Asisat Oshoala, Adijat Adenike Olarinoye, Rafiatu Folashade Lawal, Chioma Onyekwere and odas.


Please enter your comment!
Please enter your name here

Share post:



More like this

Independence day: See Presido Muhammadu Buhari full tok

"Na honour say my story dey enta record of dis kontiri, my success and failure bifor i become presido for 2015".

Kontiri pipo celebrate Naija @ 62

Niaja pipo don wake today (1st October 2022), to...

Govanors reject FG plan to privatize power plant

Federal govament drop proposal say make dem privatize di following power plants; Benin Generation Company Ltd, Calabar Generation Company Ltd.

NECO fail to release Niger state result as state govament ‘Gbese’ plenty

Di exam body tok say di state Govament dey owe Gbese' of about N500m from unpaid examination fees of students.
%d bloggers like this: