No menu items!
33.4 C
Nigeria
Saturday, December 4, 2021

#EndSARS: Govament dey use concert take cover youths eye – Falz

Must read

Folarin Falana, rapper and activist, don comot put mouth say govament dey use concert take make youths forget heroes wey die for EndSARS protest.

For him statement wey him title “20:10:20 [update]” Falz remind kontiri people say nobody don answer for di ‘heinous crimes’ during di protest last year.

“Them kill innocent souls wey demand for di stop of innocent killings and brutality. One year don waka, dem never punish anybody for those crimes.”

“Best thing wey dem one do na to come up with “concerts” to try distract us from remembering di real heroes for dis mata. Dem kill people.

“Wetin we no go do na to dey quiet. Dem no go fit silence us. Not today, not on di 20th, not ever,” Falz yan.

Dis tori dey come as Lagos state govament organize concert on Friday, ‘Eko on Show’ to celebrate Nigeria independence.

A-list singers like Teni, Davido, Tiwa Savage, etc follow grace dis event.

Meanwhile Police Public Relations Officer, CSP Adekunle Ajisebutu, don yan say him dey get reports of planned anniversary protest.

Police go use all legitimate means to suffocate dis protest him follow yan.

More articles

LEAVE A REPLY

Please enter your comment!
Please enter your name here

- Advertisement -

Latest sabi contents

%d bloggers like this: