Di Economic and Financial Crimes Commission (EFCC) don arrest former governor of Imo State, Rochas Okorocha.
Based on tori from PREMIUM TIMES newspaper, EFCC arrest Mr. Okorocha wey still be Senator for Abuja on Tuesday after dem do gbas gbos for almost four hours.
Based on wetin EFCC talk in 2020, dem don de plan to catch Mr. Okorocha for alleged tiff tiff of money wey belong to di people of Imo state during him time as governor.
Di tori no end for there. According to coded yarns wey sources give Premium Times, EFCC don invite di former governor many times to come defend all di accusations of tiff tiff wey dem level against am.
EFCC spokesperson, Wilson Uwujaren don confirm di matter say Mr. Okorocha de dia hand, but dem never sure if dem go allow am go house today.