Ogbonge football player, Cristiano Ronaldo, done fall Coca-Cola hand for television.
The football legend bin get media interview ontop the EURO 2020 games wey dey go on. Ronaldo dey try helep him team, Portugal, win the cup.
For the interview, dem put water and Coca-Cola for him front.
But before the interview bin start, Ronaldo carry the Coke push go one side. Him come carry the water talk say, na that one him want.
Las las, Ronaldo dey try talk say water better pass Coke.
As the matta dey hot, people wey put eye for business, talk say Coca-Cola done loose plenti money ontop the matta.
Dem talk say water done carry their four billion dollars. E CHOKE!!!
VIDEO CREDIT: Oh My Goal – News