Bayern Munich defenda, David Alaba, don port go Real Madrid.
Real Madrid wey be one of de obonge clubs for Spain, na dem yarn de tori for Twitter.
Dem talk say Alaba don take him hand sign five year contract with dem.
Beta-beta clubs like Manchester City, Paris Saint-Germain, Liverpool, and Chelsea, bin also chuk eye for Alaba mata but him done finally pick Real Madrid.
Real Madrid talk say dem go unveil Alaba when 2021 European Championship done finish.
Alaba bin don take 13 years play for Bayern before him finally decide say him wan port. Hin don win many-many cups dem with Bayern Munich.