No menu items!
33.4 C
Nigeria
Saturday, December 4, 2021

Court adjourn case of IPOB leader Nnamdi Kanu

Must read

Di honourable court been meet today to take application from defense of IPOB leader, Nnamdi Kanu.

Conflict of information come dey as di defense and di court dey narrate two different tori.

Court yan say when judge enta, di courtroom call di case defense lawyers but dem been no dey court.

According to BBC Pidgin, court ask defendant, Nnamdi Kanu, where him lawyers. Mr Kanu yan say dem “waka comot”.

Di “waka comot” na on to say, court deny one of Nnamdi Kanu oyinbo lawyers access to court.

Na for dis reason court adjourn di case to 19th and 20th of January 2022.

Meanwhile di lawyers comot yan say na di court lock dem outside as even dia wigs and books been dey inside.

Barrister Ifeanyi Ejiofor wey lead di defense lawyers tok say, “We dey court for hearing, we come early based on di concern wey dia lawyers get inside di court.

“Our wigs, gowns, bags and books been dey inside court.

“Ordinarily na di practice, once you see wigs and gowns you go ask of di lawyers and dem go tell you.

“I never see where court go call case wen di lawyers for di mata dey outside di court door, I never see am before,” Ejiofor yan.

Ejiofor tok say when dem dey outside come hear say court wan begin, dem try enta, but dem lock dem outside.

More articles

LEAVE A REPLY

Please enter your comment!
Please enter your name here

- Advertisement -

Latest sabi contents

%d bloggers like this: