Nigeria Security and Civil Defence Corps (NSCDC), Akwa Ibom Command, don nab one 40-year-old Elisha Effiong.
Mr Effiong been dey try sell him two daughters for N700, 000.
Dem catch Mr Effiong for Full Care Hospital for Ekpanya Street when him tell one security man say him wan sell him children.
Na di security man blow whistle for Civil Defense.
Dem catch am with him two daughters, Abasifreke Edet, 6 years old and, Rachael Edet, 4 years old.
Mr Effiong yan say na him and him wife, wey dey Cameroun, decide sell dia children and na ‘hardship’ cause am.
Civil Defence don hand over di mata to National Agency for the Prohibition of Trafficking in Persons (NAPTIP) for prosecution.