Di Central Bank of Nigeria don yan say eNaira go dey available to Naija people wey no get smart phones.
Dis na sake of say, di e-Naira go fit work without internet.
Di apex bank yan dis one as 47 percent of ova 210 million people for sub-Saharan Africa, no dey use mobile internet.
Dis new development na to make kontiri people no miss out for dis e-Naira mata, and to also make am easy to use.
According to tori by Punch, di apex bank yan say eNaira go complement existing payment options wey dey available via mobile banking apps, Point of Sale terminals (POS), USSD, quick response code, Internet banking, among other channels.