Buhari, Obasanjo others, mourn as Soun of Ogbomoso don kpai

Date:

First class King of Ogbomoso land, Oyo state don kick bucket.

Oba Jimoh Oladunni Oyewumi die at age 95 on Sunday, 12 December, 2021.

Oba Oladunni Oyemumi na di 20th Soun of Ogbomoso and him become king for 1973.

After di monarch join him ancestors, govanor of Oyo state, Seyi Makinde and di former govanor, Otunba Alao Akala, visit di Palace to pay dia last respect.

Muslims and Christians clerics been also vidit di Palace for Ogbomoso town.

Dem pray say as di king die, make Ogbomoso no scatter.

Bishop Titus Babatunde Olayinka, dey part of di people wey lead prayers for di Soun Palace and him yan say na everybody go feel di king absence.

“Nobody fit tok say dis man no do well. Di war wey him fight and everything wey him do for di town show say him fight battle come win on top.

“Oba na Muslim but we wey be Christians dey always come Palace to pray for am,” Bishop Olayinka yan.

One senior official for di Palace tell BBC Yoruba say na true say di king don join him ancestors on Sunday.

king soun of ogbomoso

ABOUT DI OBA

Dem born Jimoh Oladunni Oyewumi Ajagungnade on di 27th of May 1926.

Dem born am for Gbagun ruling house for Ogbomoso land wey dey Oyo state, South-West.

Oyewumi become di Soun of Ogbomoso for October 24, 1973.

Na Oba Afolabi Oyewumi Ajagungbade II and Ayaba Seliat Olatundun Oyewumi born di late king.

Di late Oba na successful businessman before him become king.

Oba Oyewumi been lose one of him sons, Pastor Olumide Oyewumi for December, 2020.

Di Soun Palace never disclose any possible cause of death of di 95 years old king.

Dem bury di late Soun of Ogbomoso land on Sunday evening according to Muslim rites.

PRESIDO, OBASANJO MOURN

Presido Buhari mourn Soun of Ogbomoso death.

Presido been send him sympathy to di govament and people of Oyo state and especially di indigenous Ogbomoso land and frontline traditional rulers.

Di Niaja leader say Ajagunbade III reign of 48 years reinforce di town as land of peace, accommodating and bastion of history and tradition.

Buhari yan say people no go ever forget di Oba.

mourners dey sign condolence register.

Former Naija presido Olusegun Obasanjo, mourn say him great friend don kpai.

“I fit remember Oyewumi contribute to social life in Jos in di 1960s and 70s,” OBJ yan.

Obasanjo say di late King bin live a life of not only service but also of peace among fellow Oba’s and within him own community.

OBJ pray say make God grant him family and people of Ogbomoso and di entire Oyo State di grace to bear di heavy loss.

THE TORTOISE “ALAGBA”

Soun of Ogbomoso dey popular for one popular tortoise-Alagba.

Di tortoise dey popular in and out of Ogbomoso town.

Eh dey attract tourists from far and wide everyday.

According to tori, Oba meet di tortoise for di palace. Him ancestors before am na him find am for road.

“Alagba” na elder for Yoruba yans.

alagba tortoise

Tori be say na di papa of di late king find di tortoise for inside forest and him come carry am enta palace.

Eh dey chop human being food like amala, rice, beans, plantain and fruits like pineapple, pawpaw and, banana.

Please rate this

Eye Wey Sabi
Live your happiest life. Pray to God and be kind to others. Hit me up on Twitter @GarnishMaster.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

Photos of eight cities wey UK just create

Photos of eight cities wey UK just create

Young Naija Man narrate how him escape from kidnappers den

Young Naija Man narrate how him escape from kidnappers den

I no dey desperate to be Presido of Naija – Peter Obi

Mr Obi na former two term govanor of Anambra state for South-eastern Naija and him tok say him get wetin e take to lead di kontiri.

Nnamdi Kanu: Court deny Nnamdi Kanu bail

Mike Ozekhome, wey be Kanu lead counsel move one application wey ask make di court grant Kanu bail.
%d bloggers like this: