Today be di final day of dis “Shine Ya Eye” season for BBNaija.
Di winner today go carry 90 million naira kpere! enter house.
Whitemoney, Liquorose, Pere, Cross, Angel and Emmanuel na di final six for dis season.
EYESABI get some kind of predictions on top today winner.
Onto one or two observations, Whitemoney and Liquorose be strong contenders for dis game.
Whitemoney, di street man, na man wey don enter news well well throughout him stay for di house.
From him issues with Pere, to him love palava with Queen, him no fail to give content.
On di oda hand, Liquorose been no get love wahala for di house as an only Emmanuel dey her eye.
Liquorose fan base for outside dey very very strong.
All di time wey she dey up for eviction, her fans don turn up for am.
All in all, EYESABI dey reason Whitemoney as winner for dis season.
Wetin una think? Make una share una opinion for di comment section.