Ameerah Sufyan: Court discharge lady wey raise false kidnap alarm

Date:

Di Magistrate Court for Abuja don discharge Ameerah Sufyan on basis of mental health.

Di presiding judge tok for him ruling on Wednesday say medical reports show say she no do am wit clear mind.

Today Wednesday June 29, Ameerah go court for her case hearing.

Di Naija police charge her go court sake of she mislead di public wit false post on twitter.

Few weeks ago, Ameerah enta twitter post SOS message say dem kidnap her and 16 oda women for Abuja.

Twitter people afta dem see di message begin to tag all neccessary authorities.

Few days afta di Naija police tok say dem don find and she dey recieve treatment.

Di Naija police force also tok say wetinshe post no be true as nobody kidnap her.

Afta she comot hospital, di Naija police charge her go court for misleading di public.

Di charge read say she plan her kidnap come enta social media lie say some men wit police uniform kidnap her and 16 odas.

Prosecution counsel, JCA Idachaba tok say police investigate di mata find Sufyan for one hospital for Lagos state.

Idachaba tok say di tweet wey she send na from di hospital for lagos.

Oga Idachaba present di medical document for court afta he tell di court say Sufyan get health mata.

Di court discharge her sake of dem no fit send mentally challenged person to prison.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

Ese Brume: Young women go see Birmingham outing as inspiration

Ese Brume: Young women go see Birmingham outing as inspiration

Things to sabi about di new ‘Whatsapp’ update

Things to sabi about di new 'Whatsapp' update

Serena Williams: Tennis icon announce retirement

Serena Williams: Tennis icon announce retirement

2022 Commonwealth games: Presido Buhari to host team Naija

2022 Commonwealth games: Presido Buhari to host team Naija
%d bloggers like this: