According to tori from Punch newspaper, Yobe state Police Command done arrest one 22-year-old woman, Khadija Yakubu.
Dis na sake of say she poison three of her stepchildren.
Di children na her husband’s first wife own.
Di children na, Umar Haruna, 12; Maryam Haruna, 11; Ahmed Haruna, nine and; seven-year-old Zainab Haruna.
Dis mata happen for Malaria Huta community, Potiskum Local Government Area of di state.
Di Police Public Relations Officer of di state, ASP Dungus Abdulkareem, for statement on Friday yan say di suspect poison tea wey di four children drink.
Him follow yan say police don catch di suspect.
Police go investigate and she go face di law.
Reports tok sey dem been rush di victims go hospital, but four of dem kpai as dem dey collect treatment.
One still dey unconscious.