Di National Secretary, APC Caretaker, and Extra-ordinary Convention Planning Committee, John Akpanudoedehe, inside interview wey him get for Channels TV yan about di rumour say former presido Jonathan wan cross carpet enter APC.
Him talk say if oga Jonathan join APC, him go get founding member status and dem go welcome am.
Di last National Executive Council of di party been give approval say everybody wey dey join APC even if na today, him self be like founding member.
Dis no be express ticket oh as him go still contest with other people for di party for di presidential candidate ticket.
Peoples Democratic Party (PDP) don comot talk sey di reports sey oga Jonathan wan switch na big lie.